DÍA DA PAZ E NON VIOLENCIA

O pasado xoves 30 de xaneiro conmemoramos o Día Mundial da Paz e Non Violencia. 

A actividade tiña por nome "Desexos de Paz" onde días previos á celebración, a cativada do colexio foi escribindo de maneira anónima os seus desexos de paz nuns papeliños que foron botando nunha caixa preparada para tal fin. Dunha selección, o día 30 xuntámonos para que cada grupo-clase lera algúns desexos e os pegara nuns lenzos para a súa exposición.

Que chulada de actividade! Un día cheo de palabras e reflexións para axudar a facer un mundo mellor, un mundo cheo de paz.

Como broche final cantamos, acompañando palabras con linguaxe de signos, a canción "Xirarei Now!" de Uxía Lambona e a Banda Molona.

Velaquí vos deixamos as seguintes fotos dese día.