MAZARELOS. Revista de historia e cultura

 

Bo día!

O proxecto Mazarelos é unha iniciativa cultural que ten como obxectivo principal desenvolver tarefas de divulgación sobre feitos relacionados coa historia da Galiza. Naceu como unha páxina web, e pasou posteriormente a contar cunha revista en papel que se pode obter en librarías.

A cooperativa Mazarelos busca ser un paso máis na evolución do proxecto global, que naceu no ano 2019. En 2020 deron inicio á revista en papel. Agora deciden fundar unha cooperativa coa intención de, en primeiro lugar, poder dedicar máis tempo e recursos dos que estaban a dedicar até o de agora ao proxecto, e en segundo lugar, poder dar saída a actividades e iniciativas complementarias ao proxecto pero que xogan un papel moi importante á hora de que Mazarelos siga crecendo e evolucionando como até o de agora. 

Intentan divulgar sobre a historia dunha maneira áxil e a través de plataformas que lles permitan achegarse a novos públicos que quizais puidesen estar máis reticentes nun primeiro momento pero que están interesados en todo o que está relacionado coa historia. 

Pincha aquí para ir á súa web.