8M, DÍA INTERNACIONAL DA MULLER!

Un ano máis saímos a manifestarnos pola igualdade, polo respecto, polos dereitos,... en definitiva, por elas, por todas as mulleres, para non esquecer o seu importante papel na sociedade. 

Conmemoramos o 8M, o Día Internacional da Muller. Como xa vimos facendo os cursos pasados, realizamos unha manifestación, a nosa idea era ir ata o parque, pero mor do tempo tivemos que facelo no pavillón. 

Alí xuntámonos todxs, e baixo o lema de "NON SOMOS FLOREIROS" comezou o acto o alumnado de 6º lendo un manifesto. 

Despois cada curso foi ensinando a súa pancarta onde aparecía unha muller pioneira e ilustre que investigaran previamente na clase, así como tamén unha frase reivindicativa que elixiran para dicila en voz alta.

3 ANOS

4 ANOS

5 ANOS

1º EP

2º EP

3º A e B de EP

4º EP

5º EP

6º EP

Como broche final do acto, cantamos e bailamos a canción de SÉS "E ti, só ti" que nos ensinara María, a profe de música.

A actuación musical poderedes vela na páxina web do centro.

Lembrade!! Aínda que este día levantemos máis a voz,  todos os días son días da muller, do respecto, da igualdade!!