DEZ PRAIAS MOI GUAIS DE GALICIA QUE NUNCA SAEN NAS LISTAS DAS MÁIS GUAIS DE GALICIA

Bo día!

Que bonito é ir á praia! E vaia praias que temos en Galicia! Que variedade e que beleza (como diría Tim Maia)!

É habitual ver listas das mellores praias de Galicia, en xornais, blogs, páxinas web, folletos de turismo, revistas de viaxes, etc. O malo destes artigos en todos estes medios é que case sempre aparecen as mesmas praias e o certo é que saen praias guais, mais xa as coñecemos... e queremos máis! Queremos outras!

Desde aquí tentaremos aportar opcións alternativas e agardamos que vos gusten.

PRAIA DE PEIZÁS (FOZ)

En marea baixa é dos areais máis fermosos do norte e hacia os lados, ábrense penas onde quedan divertidas pozas naturais.

PRAIA DE RUETA (CERVO)

Unha praia con pouca xente, tranquila e con esa antiga ponte ao lado.

PRAIA DE ESTEIRO (XOVE)

Esta praia impresiona polo inmenso do mar, a area fina e é ideal para facer bodysurf.

PRAIA DA ABRELA (O VICEDO)

Preciosa, familiar, con augas moi cristalinas e con segredo: leva un imán, achégao á area e verás.

PRAIA DE CANAVAL (OLEIROS)

Pequeniña, transmite calma e en marea baixa pode ser paradisíaca.

PRAIA DE NIÑÓNS (PONTECESO)

De forma rara, con lagoa, augas claras e ideal para familias.

PRAIA DE LAGO (CAMARIÑAS)

O contraste da cor da area e o verde de plantas e árbores é bestial.

PRAIA DE GURES (DUMBRÍA)

Unha xoia moi ben gardada nun entorno incomparable.

PRAIA DE AREA TRIGA (MUROS)

Moi local, pequeniña, agochadiña, cuquiña, riquiña.

PRAIA LONTREIRA (A ILLA DE AROUSA)

Moi natural, rochosa, salvaxe, luminosa, tranquilísima, afastada.

PRAIA DE AREA GRANDE (O GROVE)

Con bastante fauna, ampla, cómoda e boa para deportes náuticos tranquilos.

PRAIA DE MELIDE (CANGAS)

Vistas de cine nun areal no medio dun monte. Incomparable!

PRAIA A LAMIÑA (A GUARDA)

Alí onde o río Miño e o océano Atlántico se abrazan.

PRAIA DOS FRANCESES (A VEIGA)

Non é mar pero paréceo. Praia de interior marabillosa.

E, agora, como este blog non ten moitas persoas que o lean, sabemos que podemos gardar estas praias en segredo... para que non se enchan de xente.

Chao!