INFLUENCERS: CRISTINA LÓPEZ (A FALA DA AVOA)

 

                                                                                                                   Foto: Montse Funcasta

Que tal vai todo?

Hoxe, unha rapaza que se chama Cristina López e que nos conquistou desde o seu perfil de Instagram (a_fala_da_avoa), que podedes mirar pinchando aquí.

O que fai esta moza é recopilar os ditos populares de Galiza facendo así unha homenaxe ás nosas devanceiras e ao seu xeito de falar no día a día e que hoxe están recollidas en recompilacións como as de Xesús Ferro Rubial e Federico Zamora Mosquera, entre outros. 

Ademais, Cristina acompaña o texto de fotos que amosan o patrimonio arquitectónico e paisaxístico galegos.

A idea é reivindicar a figura da xente do rural, a súa naturalidade e intelixencia, entendéndoa como unha fonte de riqueza literaria que se transmite entre as diferentes xeracións.

Aquí vos deixo con algún exemplo que poderedes atomar navegando polo seu perfil:

- Néboa arrastrada, 

aos tres días mollada.

- Se non ris, xa rirás, 

que o día vén tras da noite,

e o teu día chegará. 

- Non chega tarde quen, á fin, chega.

- A pasar o río e a dar diñeiro,

nunca sexas o primeiro.

- Non saben o que perden os que non saben de nós.

Nada máis. Adeus!