VERMELLA E BÁRBARAS!: O PERÍODO MENSTRUAL

 

Bo día!

Pareceunos boa idea presentarvos dous libros que achegan e normalizan a menstruación presentándoa como o que é, un proceso corporal e cultural natural (todo acabado en "-al") que afecta nalgún momento da vida a máis da metade da poboación do planeta.

Vermella e Bárbaras! son dous exemplos para comprender e reflexionar sobre un tema estigmatizado que aínda xera vergoña e actitudes relacionadas co agocho. Queremos introducir aspectos como os corpos, o sexismo, a igualdade, a ecoloxía, a violencia, o racismo ou a transfobia a través da regra. 

Queremos unir en lugar de separar. Queremos falar en lugar de calar. Queremos sentir en lugar de tapar. Queremos saber en lugar de ignorar. Queremos entender en lugar de xulgar. Queremos querer.

Nada máis! Ata a próxima!