INICIO DA SEMANA CO PREGÓN DO ENTROIDO

 

Que tal?

Onte pola mañá tivemos na escola o pregón do Entroido, que supón o inicio a esta semana de festa.

As diferentes clases saímos ao patio con gana de troula para ler un texto poético creado polas crianzas... un texto que, ademais, quedou precioso!

Aquí o tedes:

Damos a benvida rapazada,

que hoxe imos celebrar

a Entroidada de Sigrás

cunha semana espectacular.

Nestes tempos de Entroido

temos risas e alegrías

chourizos, grelos e patacas

andamos papando todo o día.

Os maiores de infantil

querémonos divertir

cos nosos disfraces

ides ter que rir.

No Entroido hai moita risa

alegría e maxia dese día,

comemos cousas ricas

con amigos e familia

e tamén nos disfrazamos

con máscaras incluídas.

No Entroido na nosa cara

poremos un anteface.

No escenario desta escola

superheroes e heroínas

amosarán o seu disfrace.

Ao cole de Sigrás

o Entroido chegará.

Presta atención 

e verás que emoción.

Preparados para facer filloas e orellas

pasade por Sigrás que hai que comelas

bos complementos e escoller roupa vella

heroes e heroínas, todos á pasarela.

Encántanos o Entroido

porque somos moi festeiros

disfraces, meco, cocido,

filloas para os larpeiros.

Neste Entroido disfrazámonos

e que ben o pasamos!

Comemos larpeiradas

como filloas tostadas.

Festexamos nesta escola

cuns traxes de peliqueiros

o Entroido todos xuntos

cores, bailes e choqueiros.

Gozade! Brincade!

Facede o que queirades!

Bailade! Cantade!

Que baixón! Toca mate!

E aquí algunha foto máis: